Г.Занданшатар: Эрхэм хүндэт Монгол улсын Ерөнхийлөгчөө, Эрхэм хүндэт Монгол улсын Ерөнхий сайд, Улсын их хурлын эрхэм гишүүдээ хүндэт зочид эрхэмсэг хадагтай ноёд оо. Бид дөнгөж сая Чингис хааныхаа эш хөргийг бэлэг сургаальтай нь хамт хоймортоо заллаа. "Алд бие минь алжааваас алжаатугай Ахуй төр минь бүү алдартугай Бүтэн бие минь алжааваас алжаатугай Бүрэн улс минь бүү алдартугай" гэсэн эзэн Чингис хааныхаа захиасыг өдөр бүр санаж дагаж мөрдөхийг үгийн эхэнд уриалъя.

Энэ удаагийн чуулган улс төрийн шинэчлэл хийх, эдийн засгийн өөрчлөлтийг хэрэгжүүлж, хөгжил дэвшлийн шинэ ирээдүйг эхлүүлэх, Шинэ сэргэлтийн бодлого болон ард түмэндээ амласан мөрийн хөтөлбөрөө биелүүлэхэд төвлөрч байгаагаа онцоллоо.