Цагдаагийн байгууллагад энэ оны 10 дугаар сарын 10-ны өдрийн 13:13 цагт Баянзүрх дүүргийн 5 дугаар хорооны нутаг дэвсгэрт “Гэр машинаа шатаана гээд байна” гэх дуудлага бүртгэгдсэн. Дуудлага мэдээллийн дагуу тус дүүрэг дэх Цагдаагийн газрын Нэгдүгээр хэлтсээс шалгахад 37 настай эмэгтэй согтууран гэр бүлийн хүндээ агсан тавьж таван ханатай Монгол гэрээ шатаасан хэргийг шалгаж байна. Гэр бүрэн шатсан бөгөөд бэртэж гэмтсэн хүн байхгүй байна.