Тэрээр "Цэрэг халах татах ажиллагаа Улс даяар 14-24-ний хооронд зэрэг болж байна. Өчигдөр 14 цагийн үед 306-р анги Хэнтий аймгаас цэрэг татаад явж байсан. Нэг ахлагч, нэг офицер 15 цэргийн алба хаагч Түмэнцогт сумаас 40 км-ын зайд яваад зам тээврийн осол гарсан. Осол гарсан шалтгаан нь машины хүрдний аппарат хагарч хажуулдсан. Дөрвөн цэргийн толгой хагарсан. Хоёр цэрэг гэмтсэн гэсний дагуу яаралтай тусламжийн шуурхай бүлэг очиж Хэнтийн нэгдсэн эмнэлэгт үзлэг хийсэн. Хоёр цэрэг хүзүүний зөөлөн эд нь гэмтэл авсан. Бусад цэргийн албан хаагчид зүгээр. Тэндээ эмчлээд явуулна. Хятадад үйлдвэрлэсэн "Паб" гэх уг машиныг 2008 оноос ашиглаж ирсэн. Цэрэг тээвэрт тэвштэй машин ашиглаж болохгүй гэдэг ч олон хүн тээвэрлэх үед хүрэлцэхгүй байна. Мөн Бүтэнсайн өдөр Баяндэлгэр сумд пургон машин осолдож зургаан цэрэг гэмтэл аваагүй. Хилийн цэргийн ангид машин тэрэгний асуудал хүнд байна. Сүүлийн хоёроос гурван жилд бага багаар шийдвэрлээд явж байгаа. Бид хоногоор явж хээр хонож байна. Шөнийн 22 цагаас хойш хөдөлгөөн үйлдэхгүй байх ёстой тул замдаа хонохоос өөр аргагүй. Манайх нийтдээ 1200 гаруй машинтай, үүнээс хамгийн эртнийх нь 90-ээд оны машинтай. 1-16 жил болсон машиныг энгийн л гэж ашиглаж байгаа ч хугацаа нь дууссан шүү дээ. Цувааны хурд 30 км цаг орчим байсан. Хүүхдүүдийн эцэг эхэд мэдэгдсэн. Эцэг эх нь эмнэлэгт ирсэн. Хүүхэд айдас хүйдэстэй байгаа хэрэв үргэлжлэн цэрэгт алба хаах боломжгүй гэвэл энэ удаа өнжөөнө. 2017 онд батлуулсан парк шинэчлэлийн дагуу 2023 онд 20 гаруй тэрбум төгрөгөөр хилийн цэргийн автомашиныг шинэчилнэ" гэв.