Үүнтэй холбогдуулан дүүргийн Цэрэг татлагын товчооны хурлыг Цэрэг татлагын товчооны дарга бөгөөд Засаг даргын Тамгын газрын дарга П.Баянбаатар удирдан явуулж, цэрэг татлагын өдрүүдэд зохион байгуулах арга хэмжээ, эрүүл мэндийн үзлэг, нарийн мэргэжлийн эмч нарт үзлэгийг хэрхэн зохион байгуулж явуулах зэрэг үүрэг чиглэл өгч ажиллалаа.

Хугацаат цэргийн албанд татагдагч нь цэрэг татлагын үеэр 8 төрлийн шинжилгээ хийлгэж, эрүүл мэндийн үзлэгт орно. Мөн цэрэг татлагын байранд ирэхдээ иргэний болон цэргийн үүрэгтний үнэмлэх, мэргэжил эзэмшсэн бол мэргэжлийн үнэмлэх, сургууль төгссөн бол диплом гэсэн бичиг баримтыг биедээ авч, тогтоосон хугацаанд ирэх үүрэгтэй юм.