"Тухайн асуудлыг цагдаа болон мэргэжлийн хяналтын байгууллага шалгаж байгаа. Ер нь озон эмчилгээ үр дүнтэй гэдэг нь нотлогдоогүй тул үүнтэй холбоотой эмчилгээний удирдамжийг ч манай улс батлаагүй. Манай улс гэлтгүй бусад улс оронд ч озон эмчилгээг буруу хийснээс болж цусанд агаар орж, улмаар амь насаа алдсан тохиолдол олон гарсан юм билээ. Энэ бол ямар нэг гоо сайхны газар хамаагүй хийх эмчилгээ биш. Озон эмчилгээний асуудлаар ЭМЯ, МХЕГ хамтарсан ажлын хэсэг гарч ажиллаж байгаа бөгөөд ойрын үед зохицуулалт шийдэгдэнэ" хэмээлээ.