Дарханы замын ажил тав зургаан жил болж байгаа ч 65 хувийн л гүйцэтгэлтэй байна. Нэгдгээр урсгалын зам нь удахгүй нээгдэх байх. 30 орчим км зам шороогоор явдаг хэвээрээ. Зам тээврийн яамныхан уялдаа холбоо муу, буруу мэдээлэл өгч байгаа учраас иргэд төөрөлдөж байна. Замаа хаасан, нээснээ ч мэдээлдэггүй. Дутуу урсгалаа нээчихсэн байснаа гэнэт хааж цементэн хашлага тавьсанаас болж гурван настай хүүхэд эндсэн харамсалтай хэрэг гарсан. Энэ зам магадгүй МОНГОЛЫН ТҮҮХЭНД хамгийн муугаар бичигдэх зам болох байх гэлээ.