Нийслэлийн засаг даргын 2022 оны 10 сарын 10-ны өдрийн "Хүүхэд зам, тээврийн осолд өртөхөөс урьдчилан сэргийлэх чиглэлээр зарим арга хэмжээний тухай" А/1291 дүгээр захирамжийн хүрээнд дүүргийн нутаг дэвсгэрт үйл ажиллагаа явуулдаг төрийн болон төрийн бус сургууль, цэцэрлэгүүдэд зохицуулагч, цагдаа зохицуулагч нар "ШАР ДАРЦАГ" аяны зорилго, урьдчилан сэргийлэх чиглэлээр сургалтыг зохион байгуулан эцэг, эх сурган хүмүүжүүлэгч нарт зөвлөгөө мэдээлэл өглөө.

Замын хөдөлгөөнд оролцогчдын аюулгүй байдлыг хангах, хүүхдийг гэмт хэрэг, зөрчлөөс урьдчилан сэргийлэх, Замын хөдөлгөөний аюулгүй байдлын тухай хууль, дүрмийг сурталчлах, зөв дадал бий болгох зорилгоор энэхүү аяныг зохион байгуулж байна.

“Шар дарцаг” аяны хүрээнд дүүргийн Цагдаагийн газрын Замын цагдаагийн хэлтсийн алба хаагчид сургууль, цэцэрлэгүүдэд “Замын хөдөлгөөнд зөв боловсон оролцох тухай” сургалтыг зохион байгууллаа.