Монгол Улсын Шадар сайдын ивээл дор зохион байгуулж байгаа “Эрсдэл ба Стандарт” үндэсний чуулганы хүрээнд эрсдэлийн баатар шилдэг иргэн, мэргэжилтэн, аж ахуйн нэгжийг шалгарууллаа.

 

Төв аймгийн Онцгой байдлын газрын Зуунмод сум дахь Гал түймэр унтраах, аврах 24 дүгээр ангийн Гал унтраах автомашины жолооч, ахлах ахлагч Д.Оюунбаатар нь Онцгой байдлын байгууллагад 19 дэх жилдээ үүрэг гүйцэтгэж, ахуйн болон ой, хээрийн гал түймэр, үер, усны ослын 256 удаагийн дуудлагаар 40128 цагийн үүрэг гүйцэтгэхдээ 102 хүний амь нас, аж ахуй нэгж, байгууллага, ард иргэдийн тэрбум гаруй төгрөгийн өмч хөрөнгийг авран хамгаалсанаар “Эрсдэлийн шилдэг мэргэжилтэн”-ээр тодорсон бол 100 хувь дотоодын хөрөнгө оруулалттай, уул уурхайн “Баялаг энержи” ХХК-ыг үйл ажиллагаагаа явуулж эхэлсэн 5 жилийн хугацаандаа нэг ч осол эндэгдэл гаргалгүй, стандартын шаардлага хангасан, шилдэг технологийг нэвтрүүлэн, эрсдэлийн цогц удирдлагыг хэрэгжүүлэн ажилласан амжилтыг нь үнэлэн “Эрсдэлийн баатар шилдэг аж, ахуйн нэгж”-ээр тодруулсан юм.