Хүний эрхийг хангах үндэсний хорооноос баталсан “Орон нутаг дахь хүний эрхийн төлөв байдлыг тайлагнах, илтгэх журам”-ын дагуу нийслэлийн хүний эрхийн төлөв байдлын тайланг өнөөдөр цахимаар илтгэлээ. Тайланг Нийслэлийн Засаг даргын Эдийн засаг, дэд бүтцийн асуудал хариуцсан нэгдүгээр орлогч П.Сайнзориг илтгэж, нийслэлийн нутгийн захиргааны байгууллагын удирдлагууд төрийн болон төрийн бус байгууллагуудын асуултад хариулав. Мөн хэлэлцүүлэгт оролцогчдын зүгээс хүний эрхийг хангах чиглэлээр цаашдаа хийж, хэрэгжүүлэх ажлын талаар зөвлөмж өгсөн юм.

Энэ үеэр Нийслэлийн Засаг даргын Эдийн засаг, дэд бүтцийн асуудал хариуцсан нэгдүгээр орлогч П.Сайнзориг үерийн гамшиг, газар хөдлөлтийн эрсдэл, Улаанбаатар хотын салаа төмөр зам болон боомтын асуудлаар санал хэлж, тухайн асуудлуудыг төрөөс бодлого гаргаж, иргэний нийгмийн байгууллагын дэмжлэгтэйгээр шийдвэрлэх боломжтой тул энэ талаар зөвлөмжид тусгайлан тусгахыг хүсэв.