Иргэдийн дунд шинээр хувьцаа эзэмшигч буюу хүүхдүүдийнхээ хувьцааг хэрхэн авах нь эргэлзээ үүсгээд буй. "Эрдэнэс Тавантолгой" ХК-ийн 1072 хувьцааны талаар ЗГХЭГ-ын дарга Д.Амарбаясгалан мэдээлэл өглөө. Тэрбээр, "Шинэ хувьцаа эзэмшигч буюу 2012 оны дөрөвдүгээр сараас 2023 оны арванхоёрдугаар сарын 31-ний хооронд төрсөн хүүхдүүдийн ногдол ашгийг хүүдийн мөнгө авдаг дансаар нь олгоно. Учир нь тэд хувьцааны дансаа нээлгэж амжаагүй байна. Харин 2025 онд ногдол ашиг олгохоос өмнө хувьцаа эзэмшигчийн дансаа нээлгэсэн байх шаардлагатай" гэв.