УИХ-ын дарга Г.Занданшатар цас зудын нөхцөл байдалтай холбогдуулан Баянхонгор аймагт ажиллаж байна. Тэрбээр Улсын онцгой комиссоос илгээсэн 375 тонн улаан буудай,  10,000 боодол өвс,  45 тонн гурил, 5 тонн элсэн чихэр болон өөрийн санаачлан зохион байгуулж буй “СЭТГЭЛИЙН ТУСГАЛ” малчдад туслах аяны хүрээнд, 500 тонн улаан буудай, 20 тонн хорголжин тэжээл,  2000 боодол өвсийг аймгийн онцгой комисст тус тус хүлээлгэн өгч малчдынхаа эрүүл мэндэд онцгой анхаарч ажиллахыг онцгой комиссын дарга, гишүүдэд үүрэг болголоо.