Усны нөөцийг бохирдож, хомстохоос хамгаалах, нөхөн сэргээх ажлын хүрээнд Булган аймгийн Баяннуур суманд орших Баян нуурын усны түвшинг нэмэгдүүлэн, нуур сэргээх ажлыг хэрэгжүүлэн ажиллаж байна. Тус ажлын хүрээнд Усны газар, Туул голын сав газрын захиргаанаас ажлын хэсэг газар дээр нь ажлын явцтай танилцлаа.

Туул голоос Баян нуурт ус дөхүүлэн нуурын усны түвшинг нэмэгдүүлэх шийдэлтэй хэрэгжиж буй уг ажил нь энэ оны 10 дугаар сарын 15-нд дуусна.

Уг ажил нь нэг сум нэг нуур (333 нуур) хөтөлбөрийн хүрээнд хэрэгжиж буй ажлын нэг бөгөөд тус хөтөлбөр нь ширгэж буй нуур тойрмыг сэргээх болон гадаргын усыг хуримтлуулах замаар шинээр нуур, цөөрөм бий болгох зарчмын дагуу хэрэгжинэ.