Нийслэлийн Чингэлтэй дүүрэг нь Япон улсын Шизоука мужийн Яйзү хоттой 2018 оноос хамтын ажиллагаагаа эхлүүлж, 2024 онд Найрамдалт харилцаат хотууд болсон юм.

Энэ хүрээнд Чингэлтэй дүүргийн Засаг даргын дэргэдэх Сагсан бөмбөгийн өсвөрийн шигшээ баг тамирчид 2024 оны 06 дугаар сарын 12-ны өдрөөс 2024 оны 06 дугаар сарын 19-ний өдрийн хооронд Яйзү хотод айлчилж, Сагсан бөмбөгийн шигшээ баг, тамирчидтай хамтарсан бэлтгэл, сургуулилт, нөхөрсөг тоглолтыг хийлээ.

Нөхөрсөг тоглолтоор Чингэлтэй дүүргийн Засаг даргын дэргэдэх Өсвөрийн шигшээ баг, тамирчдын хожлоор тэмцээн өндөрлөж, хоёр орны хүүхэд залуучуудын гадаад харилцаа, хамтын ажиллагаа өргөжсөөр байна.