Парис-2024 зуны олимпийн анхны медалийг Монгол улсад авч ирсэн жүдо бөхийн шигшээ багийн тамирчин Б.БААСАНХҮҮ сэтгэгдлээ хуваалцлаа.

Олимпийн мөнгөн медальт Б.БААСАНХҮҮ: 

Багш нартайгаа бэлдсэн барилдаанаа гаргаж анхны олимпдоо мөнгөн медаль авсандаа баяртай байна. Улсын аваргаас хойш сэтгэл зүйч, хоол зүйчтэй ажиллаж байна, тамирчин хүнд хамгийн хэрэгтэй байдаг юм билээ. 

Зооны аварга болоод медаль авах нь тодорхой болчихсон үед их сэтгэл хөдлөлтэй харагдаж байсан. Энэ үеэр юу бодож байсан бэ ?

Эхний барилдаанаас эхлээд ганц л давчихвал энийг л давчихвал гэж бодсоор байтал нэг л мэдэхэд финалд үлдчихсэн их баярлачихсан байсан. Дахиад нэг барилдаан үлдсэн тул баярлахаа дарсан. Алтан медалийн төлөө барилдаанд өөрийнхөө хэзээ ч гаргаж байгаагүй характераа гаргаж ширүүн барилдаж үзлээ.