Өмнөговь аймгийн ЗДТГ-ын Цэргийн штаб, Зэвсэгт хүчний 167-р ангитай хамтран Өмнөговь аймагт хэрэгжүүлж буй "Оюутан цэрэг-2024" сургалтад Баянхонгор, Говьсүмбэр, Дорноговь, Өвөрхангай, Өмнөговь аймгуудаас нийт 75 оюутан хамрагдаж байна.

Оюутан цэргүүдэд Өмнөговь аймгийг сурталчлах, эх оронч үзэл төлөвшүүлэх зорилгоор Өмнөговь аймагтай танилцах өдөрлөгийг Өмнөговь аймаг байгуулагдсаны 93 жил, Батмөнх даян хаан мэндэлсний 560 жилийн ой, "Говь шанх-7" хурдан морины бүсийн уралдааны үеэр зохион байгууллаа.

Тус арга хэмжээний хүрээнд оюутан цэргүүдэд Баяр наадмын нээлтийг сонирхуулан, Өмнөговь аймгийн Байгаль, түүхийн музейг үзүүлж, байгалийн үзэсгэлэнт Ёлын ам, Хавцгайтын амуудаар явган аялал хийлээ.

Мөн Оюутан цэргүүд нийгмийн хариуцлагынхаа хүрээнд тус байгалийн үзэсгэлэт газруудын хог хаягдлыг цэвэрлэж, байгальд ээлтэй аялал хийлээ.