З.Мэндсайхан: Махны үнийг ирэх жил ястай, ясгүйгээс хамаараад 5,500-7,500 төгрөгийн хооронд байлгана
З.Батхуяг
Үйл явдал
/
2020-10-05
Жиргэх
Мал аж ахуйн өвөлжилтийн бэлтгэл хангах чиглэлээр Засгийн газар “Хөдөө аж ахуйн салбарын 2020-2021 оны өвөлжилт, хаваржилтын бэлтгэл хангах зарим арга хэмжээний тухай” 19 дүгээр тогтоолыг гаргаж, бүх шатанд хэрэгжилтийг эрчимтэй хангуулан ажиллаж байна.
Улсын тусгай хамгаалалттай газар, хилийн зурвас газар, улсын тусгай хэрэгцээний аймаг дундын 9 отрын бүс нутаг, орон нутгийн тусгай хэрэгцээний отрын нөөц нутагт отроор өвөлжиж, хаваржих малчин өрх, малын тооны судалгааг нэгтгэж байгаа юм. Тооцооллоор нийт 16426 өрхийн 8.35 сая толгой малыг отроор өвөлжүүлж, хаваржуулах төлөвлөгөөтэй байна.
Өнгөрсөн хугацаанд Монгол Улсын Шадар сайдаар ахлуулсан ажлын хэсэг Өвөрхангай, Хэнтий, Дундговь, Ховд аймгуудад бүсийн нэгдсэн зөвлөгөөн хийж, дээрх Засгийн газрын тогтоолын хүрээнд өвөлжилтийн бэлтгэлийг хангуулахад онцгой анхаарч ажиллах талаар аймаг, орон нутгийн удирдлагуудад тодорхой үүрэг, чиглэл өгч ажиллалаа.
Манай орны бэлчээрийн ургамлын ургалтын байдал 2020 оны 9 дүгээр сарын 10-ны өдрийн байдлаар нийт нутгийн 56 хувьд “сайн”, 31 хувьд “дунд”, 13 хувьд “харьцангуй муу” гэсэн үнэлгээтэй байна.
Энэ зун нийт нутгийн 70 гаруй хувьд олон жилийн дундаж орчим буюу түүнээс ахиу; харин Баянхонгор, Өвөрхангай, Говь-Алтай, Өмнөговь аймгийн ихэнх, Дундговь, Хөвсгөлийн зарим нутгаар дунджаас бага тунадас орсон. Цаг уур, орчны шинжилгээний газрын ирүүлсэн мэдээллээр 2020-2021 оны өвөл, хаврын бэлчээрийн даац нийт бэлчээрийн 50.6 хувьд хүрэлцээтэй, 25 хувьд 1-3 дахин, 6.1 хувьд 3-5 дахин, 18.3 хувьд 5-аас олон дахин хэтэрсэн байна.

Махны үнийг ирэх жил ястай, ясгүйгээс хамаараад 5,500-7,500 төгрөгийн хооронд байлгана. Үнийг энэ түвшинд барихад шаардлагатай нөөцөө бүрдүүлэх чиглэлд анхаарч байна. Мөн мах бэлтгэх ААН-үүдэд зээлийн хүүгийн хөнгөлөлт зориулсан тодорхой хэмжээний хөрөнгө төсөвт суусан байгаа.  Ногооны үнээс илүү хүрэлцээнд анхаарах хэрэгтэй байна. Төв, суурин газрыг хүнсний ногоогоор бүрэн хангахад шаардлагатай хадгалах зоорь чухал байна. 20 мянган тн-ын хөргөлттэй агуулахын ТЭЗҮ-г хийчихсэн байгаа. Төсөв мөнгөний асуудал дээр та бүхэн дэмжээд өгөөрэй гэж хүсэх байна. 

Өвөлжилт хүндрэх төлөвтэй байгаа Архангай, Баянхонгор, Говь-Алтай, Дундговь, Өмнөговь, Өвөрхангай аймгуудаас дулааны аргаар боловсруулсан хонь, ямааны мах экспортлох тоо хэмжээг 40.000 тонноор нэмэгдүүлэх шийдвэрийг Хүнсний аюулгүй байдлын үндэсний зөвлөлөөс гаргалаа. Тэсгим өвөл хаяанд ирж, малын тамир доройтон эрсдэл дэргэд ирсэн цагт халаглаж суухгүйгээр урьдчилан сэргийлж, малаа борлуулж, махаа экспортлох ийм шийдвэрийг зудын эрсдэлт аймгуудад анх удаа гаргаж байна. Эдгээр 6 аймгаас нийтдээ 5.2 сая толгой малыг эдийн засгийн эргэлтэд оруулж, эрсдлээс урьдчилан сэргийлэх боломжтой юм.
Сэтгэгдэл:
Таны IP: (3.16.75.165)
АНХААРУУЛГА: Уншигчдын бичсэн сэтгэгдэлд https://www.ulsturch.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ

Метро барих техникийн тодорхойлолтыг баталж, Тендерийн үнэлгээний хороонд шилжүүллээ

8 цаг 46 мин

Бүгд Найрамдах Социалист Вьетнам Улсын Ерөнхийлөгч То Лам Монгол Улсад төрийн айлчлал хийхээр хүрэлцэн ирлээ

13 цаг 48 мин

“Сургууль, цэцэрлэгийн хүүхдийн хоол, хүнсний хангамж, тулгамдаж буй асуудал” сэдэвт хэлэлцүүлэг боллоо

16 цаг 26 мин