Монгол Улсын Ерөнхий сайд Л.Оюун-Эрдэнэ БНХАУ-д айлчлахаар болсон тухай бид өмнө нь мэдээлж байсан. Тэгвэл тэрбээр өнөөдөр буюу сар шинийн баярын өдрөөр урд хөршийг зорихоор болсон аж. Айлчлалын багт Гадаад харилцааны сайд Б.Батцэцэг, Хотын дарга Д.Сумъяабазар тэргүүтэй 10 гаруй албан тушаалтан багтсан байна. 

Ерөнхий сайд Л.Оюун-Эрдэнэ айлчлалынхаа хүрээнд БНХАУ-ын Төрийн зөвлөлийн Ерөнхий сайд Ли Көчянтай ганцаарчилсан яриа хэлэлцээр хийхээс гадна БНХАУ-ын дарга Ши Жиньпинд бараалхах юм. Хоёр улсын Ерөнхий сайдууд ачаа барааны нэврэлтийг эрчимжүүлэх, Засгийн газар хоорондын гэрээг батлаж, улсаар БНХАУ-ын хөнгөлөлттэй зээлийг хурдасгах, "Эрдэнэбүрэнгийн усан цахилгаан станц" төслийн санхүүжилтийг шийдвэрлэх юм байна. Түүнчлэн БНХАУ-д болж байгаа Бээжингийн Өвлийн олимпийн наадмыг үзэж сонирхож, Монгол улсын баг тамирчдаа дэмжиж, амжилт хүсэх юм байна