Зээлийн батлан даалтын сангийн хувьд 4 төрлийн бүтээгдэхүүн гарч байгааг та бүхэн мэдэж байгаа. Үндсэн батлан даалт буюу банкны эх үүсвэртэй банкны хүүтэй зээл мөн ББСБ-ийн зээл, Азийн хөгжлийн банкны хэрэгжүүлж байгаа "МОН 333" төслийн зээл, ажлын байрыг дэмжих 3%-ийн зээл гэсэн 4 төрлийн зээл явж байгаа. Үүнээс 2017 оноос МУ-д хэрэгжиж буй Зээлийн батлан даалтын сантай хамтран хэрэгжиж буй Азийн хөгжлийн банкны зээлийн батлан даалтын тогтолцоог дэмжих замаар эдийн засгийг төрөлжүүлж ажил эрхлэлтийг нэмэгдүүлэх нь гээд "МОН 333" гэдэг төсөл маань өмнө нь 1 тэрбум төгрөгөнд 420 сая төгрөгийн батлан даалтыг гаргадаг байсан. Энэ нь жилийн 12-14 хувийн хүүтэй олгогдож байсан бол 2022 оноос эхлэн Азийн хөгжлийн банк энэхүү төслийг хэрэгжүүлж буй 6 банкнаас 5 банктай хамтран тохиролцож хүүгээ бууруулсанаар 2 тэрбумын зээлэнд 1 тэрбум 200 сая төгрөг батлан даах ийм боломж нээгдлээ...