Тэгвэл өнөөдөр /2022.05.12/ Засаг дарга аймаг дахь Радио телевизийн сүлжээний газрын үйл ажиллагаатай танилцахын зэрэгцээ, хүндрэлтэй асуудлуудыг газар дээр нь үзэж танилцав.

Өөдлөх айл үүднээсээ гэдэг. Биднийг очиход тус байгууллагаар орж ирэхэд дулаахан, цэвэр цэмцгэр таатай орчин угтлаа.

Засаг дарга ямар нэгэн байгууллага өөрийн үйл ажиллагааны онцлогт тохируулаад төсөв харалгүй нөөц боломжоо ашиглан гадна, дотно орчныг тохижуулсныг сайшааж, бусад байгууллагуудын удирдлагууд үлгэр жишээ авах хэрэгтэй гэдгийг онцлов.

    Тус байгууллага Чехословак  улсын тусламжтайгаар 1965  оны 08 дугаар  сарын 01-ний өдөр анх   “Өлгий” радио өргөн нэвтрүүлгийн станц нэртэй ашиглалтад орж, 1435 метрийн долгионоор төвийн радио  өргөн нэвтрүүлгийн 1–р программыг Монгол орны баруун  хэсэгт дахин дамжуулж эхэлсэн түүхтэй.