Баянхонгор аймаг тэрбум мод үндэсний хөдөлгөөний хүрээнд 20,0 сая мод ургуулахаас энэ онд 500,000 мод тариалахаар төлөвлөсөн юм. Энэ хүрээндээ шинэ суурьшлын бүсэд 3 км ойн зурвасыг 75,000 модтой байгуулахаар болж энэ онд 25,000 мод тариалахаар ажлыг ийнхүү эхлүүлж байгаа юм.

Мод тарихад төрийн байгууллага, иргэд бүх нийтийн оролцоог хангах ба зохион байгуулагчдын зүгээс иргэн бүр гурван модыг /өөрсдөө модоо бэлдэнэ, нүхээ ухна, бордоогоо бэлдэнэ/ энэ онд тус тус тариалахыг уриалж байна.

Өнөөдрөөс шинэ суурьшлын бүсэд төрийн байгууллагууд бүх нийтээр хайлаас, улиас, бургас зэрэг модыг тариалж эхлэх ба төрийн албан хаагчид болон иргэдийн сайн дураараа тарьж өгсөн модны усалгаа, арчилгаа хамгаалалтыг мэргэжлийн бригадууд цаашид хариуцан ажиллах юм.