Уралдаан нь өсвөр үеийнхний бие бялдар, оюун ухаан, ёс суртахууны өв тэгш хөгжлийг хангах, олимпын боловсрол, соёл, үнэт зүйлийг эзэмшүүлэхэд чиглэгджээ. Болзолт уралдаанд 21 аймаг, 9 дүүргийн 500 гаруй ерөнхий боловсролын сургууль, цэцэрлэгийн 600 мянга гаруй сурагчид оролцсон байна.

Болзолт уралдаанаас шалгарсан шилдэг 30 сургууль, 30 багш, 5 Боловсрол, шинжлэх ухааны газар, 5 Биеийн тамир, спортын газар, 5 Олимпын зөвлөл, 5 Олимпын танхимын шагналыг гардуулжээ.

Уралдааны дүнгээр Баянхонгор аймгийн Баянхонгор сумын “Гэгээн Сумади” 6 дугаар сургууль Монгол улсын шилдэг 30 сургуулийн нэгээр, багш Ж.Долгоржав Шилдэг багшаар шалгарсан байна.

Шилдэг багш Ж.Долгоржав болон Гэгээн Сумади сургууль цэцэрлэгийн хамт олонд баяр хүргэе.