Ардчилсан намын Үндэсний бодлогын хорооны гишүүн, "Баялаг бүтээгчдийг дэмжих холбоо" -ны Ерөнхийлөгч асан Ч.Даваабаяр Монгол Улсын Ерөнхийлөгчийн Үйлдвэр, үйлчилгээ хариуцсан бодлогын зөвлөхөөр томилогджээ.  Тэрбээр сүүлийн хэдэн жил жижиг дунд үйлдвэр эрхлэгчид, баялаг бүтээгчдийг тууштай дэмжиж улмаар "Баялаг бүтээгчдийг дэмжих холбоо" ТББ-ыг үүсгэн байгуулж ажиллахын зэрэгцээ УИХ-аар жижиг дундын салбарт нэн шаардлагатай хэд хэдэн бодлого, шийдвэрүүдийг амжилттай батлуулсан нэгэн юм. Түүнчлэн 2020 оны УИХ-ын сонгуульд Өвөрхангай аймгаас нэр дэвшиж байсан улстөрч, бизнесмен юм. Цар тахлаас үүдэлтэй эдийн засгийн хүндрэлийг даван гарахын тулд бидэнд Төрийн томоохон дэмжлэг баялаг бүтээгч бидний хамтын хичээл зүтгэл хэрэгтэй хэмээн тэрбээр тунхаглажээ. Төрийн тэргүүнд зөвлөж, баялаг бүтээгчдэд хэрэгтэй олон чухал хууль санаачлан батлуулах их үйлсэд нь амжилт хүсье!