Уулзалтад аймгийн Засаг даргын орлогч Б.Батсуурь, АЗДТГ-ын ХБТХОХ-ийн дарга Т.Хишигбаатар, БОАЖГ-ын дарга Э.Ганзориг болон Монголын усны форум Ус хэлц ТББ-ын П.Батимаагаар ахлуулсан ажлын хэсэг оролцов.

Төслийн хүрээнд уур амьсгалын өөрчлөлтийн эрсдэлийн үнэлгээ, санхүүгийн эрсдэлийн удирдлага, хяналт шинжилгээний хөтөлбөр төлөвлөгөөг аймгийн хэмжээнд боловсруулж , усны нөөцийн менежмент, биологийн олон янз байдлыг хамгаалах, экосистемийг нөхөн сэргээх, эко аялал жуулчлал зэрэг гурван дэд хэсэгт нэн тэргүүнд анхаарах,дасан зохицох зохих арга хэмжээг тодорхойлж улмаар байгаль орчны чиглэлээр үйл ажиллагаа явуулдаг иргэний нийгмийн байгууллагуудыг чадавхжуулан зөвлөн тусалж уур амьсгалын өөрчлөлтөд дасан зохицох чиглэлээр боловсруулсан нэн шаардлагатай төслийг сонгон шалгаруулж хэрэгжүүлэх юм.

Азийн хөгжлийн банкны санхүүжилтээр манай аймагт хэрэгжих уг төслийг орон нутгаас бүх талаар дэмжиж хамтран ажиллахаа Засаг даргын орлогч Б.Батсуурь илэрхийлээд төслийг чанартай, үр дүнтэй хэрэгжүүлэхэд талуудын оролцоо нэн чухал юм гэлээ.