Казах түмний Наурызын баяраар Монгол Улсын Ерөнхийлөгч У.Хүрэлсүхийн зарлигаар “Монгол Улсын Гавьяат эдийн засаг” цол хүртсэн Баян Өлгий аймгийн Засаг дарга асан, Авто тээврийн үндэсний төвийн дэд захирал А.Гылымхан  гуай өнөөдөр /2022.06.16/ Өлгий нутагтаа хүрэлцэн ирлээ.

Гавьяатыг аймгийн Засаг дарга Д.Бауыржан, орлогч дарга С.Хонаев, ЗДТГ-ын дарга Б.Мухамед болон орон нутгийн удирдлагууд Нисэх онгоцны буудалд хүндэтгэлтэйгээр угтан авлаа.

Энэ үеэр Засаг дарга төрийн дээд медалиар энгэрээ мялааж, Монгол Улсын Гавьяат эдийн засагч засагч цолоор шагнагдсан баяр хүргэж эрүүл энхийг хүсэв.

  А.Гылымхан гуай  автотээврийн салбар, газрын тосны салбар болон төрийн захиргаанд 40 гаруй жил ажилласан.  Тэрээр энэ үеэр  “Хөдөлмөрийг маань өндрөөр үнэлж Монгол Улсын “Гавьяат эдийн засагч” цол хүртээсэн төр засагтаа баярлалаа. Намайг өдийг хүртэл байнга дэмжиж ирсэн аймгийнхаа нийт ард түмэн, аймгийн ЗДТГ, Авто Тээврийн үндэсний төв, Аймгийн Нефть хангамжийн газар, НИК, Петровис ХХК, хамт олондоо болон гэр бүл, ах дүү, хамаатан садан, та бүхэндээ баярласан талархсанаа илэрхийлье” гэлээ.