Уулзалтын эхэнд Засаг даргын орлогч Д.Отгонбаатар өвөлжилтийн бэлтгэл ажил, дүүргийн 30 жилийн ойд зориулан хийж хэрэгжүүлж буй ажлууд, хөрөнгө оруулалтын ажлуудын явц, төрийн албаны уялдаа холбоо зэрэг цаг үеийн мэдээллүүдийг өгсөн юм.

Өвөлжилтийн бэлтгэл дүүргийн хэмжээнд 83,5 хувьтай байгаа бол зам тохижилтийн ажлыг 2022 оны есдүгээр сарын 15-наас эхэлж хийх юм. Харин дүүргийн 30 жилийн ойн баярт зориулж тахилга тахих, дүүргийн иргэдийг оролцуулсан соёлын арга хэмжээнүүдийг зохион байгуулахаар төлөвлөж байгаа аж.

Мөн бүтээн байгуулалтын ажлыг эрчимжүүлэх, хийгдэж буй ажлуудад хяналт тавьж ажиллах, иргэдэд хүнд сурталгүй, чирэгдэлгүй үйлчилж, гомдол саналыг шуурхай шийдвэрлэдэг байхыг хороодын Засаг дарга нарт даалгалаа.