Манай улсын хэмжээнд цэцэрлэгийн насны 385,783 орчим хүүхэд байна. Өнөөдрийн байдлаар тэдгээрийн 111 мянга орчим хүүхэд E-MONGOLIA цахим системээр бүртгэлээ баталгаажуулжээ. 

Урьд жилүүдэд цэцэрлэгт хамрагдаж чадалгүй цоожтой хаалганы цаана үлддэг 34 мянга орчим хүүхэд байсан бол тэдгээрийг энэ хичээлийн жилд 100 хувь цэцэрлэгт хамруулна гэдгийг БШУ-ны сайд Л.Энх-Амгалан онцолсон. Энэ нь зөвхөн нийслэлийн хэмжээнд яригдаж байгаа бөгөөд ирэх жилд орон даяар нийт цэцэрлэгийн насны хүүхдүүдийн цэцэрлэгт хамрагдах орчинг бэлтгэх юм. 

Мөн энэ жил нийслэлийн хүүхэд бүрийг цэцэрлэгт хамруулах зорилгоор шинээр цэцэрлэг барьж хүртээмжийг нь нэмэгдүүлсэн. Улмаар тэдгээрт багш ажилчдын орон тоог хангах зорилгоор гэртээ хүүхдээ харж үлддэг байсан 1000 орчим ээжүүдийг зуны сургалтад хамруулан ажлын байртай болгожээ.