Монгол Улсын Ерөнхийлөгчийн ивээл дор зохион байгуулагдсан Батлан хамгаалахын сайдын нэрэмжит Улсын аварга шалгаруулах цэрэг-спортын “Дөл” цогцолбор тэмцээнд 21 аймаг, 8 дүүргийн 29 баг тамирчид хурд хүч, авхаалж самбаагаа сорин өрсөлдөж, Багануур дүүргийн “Боловсрол” цогцолбор сургуулийн “Соёмбо” тасаг 4 дүгээр байрт шалгарсан билээ.

Дүүргийн Засаг даргын санаачилгаар “Соёмбо” тасгийн тамирчин сурагчдад цэрэгжлийн спортын медаль гардуулах ёслолын ажиллагааг өнөөдөр зохион байгууллаа.

Ёслолын ажиллагаанд Зэвсэгт хүчний Жанжин штабын Биеийн тамир-спортын тасгийн дарга, “Дөл-2022” тэмцээний Ерөнхий шүүгч хурандаа Д.Цог-Эрдэнэ, Засаг даргын орлогч Б.Балжинням, ЗДТГ-ын дарга П.Баттүшиг, Цэргийн штабын дарга, хурандаа З.Майдар нар оролцож, тамирчдад “Цэрэгжлийн спортын медаль”-ийг гардуулан өгч баяр хүргэсэн юм.

Мөн үеэр дүүргийн “Боловсрол” цогцолбор сургуулийн биеийн тамирын багш Төмөрхуягийн Ганболд, Хилийн Цэргийн 0252 дугаар ангийн хөгжимчин Пүрэвсамбуугийн Шижирбаатар нарыг Засаг даргын “Жуух бичиг”-ээр, Нийслэлийн гэр бүл, хүүхэд, залуучуудын хөгжлийн газрын “Шилдэг хүүхэд” алтан медалиар сурагч Б.Дөлгөөнбаяр, Л.Энхболд, М.Марал-Эрдэнэ, А.Мөнхбуян нарыг ;

Мөн “Авьяас алтан” медалиар сурагч Н.Тэмүүлэн, Ш.Өсөх-Ирээдүй, Б.Хэрлэнбат, Б.Золбоо, О.Хатанбаатар, Ү.Нандин-Эрдэнэ, Б.Отгонзул, Б.Дамдин, Г.Номундарь нарыг шагнаж, урамшууллаа.