Мөн тус хуульд 2018 онд нэмэлт өөрчлөл орж улс төрийн хилс хэрэгт холбогдуулан цаазаар авах ялаар шийтгүүлсэн хэлмэгдэгчийн эхнэр /нөхөр/, хэлмэгдэгчийн төрсөн болон үрчилж авсан хүүхэд 80 сая төгрөг, улс төрийн хилс хэрэгт холбогдуулан хорих ялаар шийтгүүлсэн хэлмэгдэгч, хэлмэгдэгч нас барсан бол түүний эхнэр /нөхөр/, хэлмэгдэгчийн төрсөн болон үрчилж авсан хүүхэд 40 сая төгрөгийг олгохоор шийдвэрлэсэн.

 

Хуулийн нэмэлт өөрчлөлтийн хүрээнд Өмнөговь аймгаас хэлмэгдэгчийн хамаарал бүхий 39 иргэн нөхөн олговрын материалыг бүрдүүлж өнөөдрийн байдлаар 10 иргэн 80 сая төгрөг, 8 иргэн 40 сая төгрөгийн нөхөн олговрыг аваад байна. Мөн 3 иргэн 80 сая төгрөг, 15 иргэн 40 сая төгрөгний нөхөн олговрыг авахаар болоод байна.

Хэлмэгдэгсдийн гэгээн дурсгалыг хүндэтгэж аймгийн Маанийн хийдэд буяны ном хуруулах, зул өргөх, сумдад Улс төрийн хилс хэрэгт хэлмэгдэгсдийн гэгээн дурсгалыг хүндэтгэх, мөнхжүүлэх 27 дахь жилийн арга хэмжээг зохион байгуулах мөн ЕБС-ийн 9-12 дугаар ангийн хүүхдүүдэд Цагаатгал, Хэлмэгдүүлэлт сэдвээр хичээл орж, Даланзадгад сумын ЕБС-ийн 9-12 дугаар ангийн хүүхдүүдэд гар зургийн уралдаан зэргийг зохион байгуулж байна.