Төслийн хүрээнд аймгийн ойн менежментийг төлөвлөгөөг боловсруулан баталсан, гурван сумын нутаг хамарсан Заган ойг хамгаалах, зэрлэг амьтдын усан хангамжийг сайжруулсан зэргээр үр дүнтэй ажил арга хэмжээнүүд хэрэгжиж байгааг талууд хэлэлцэв.

Говийн бэлчээр, доройтлыг бууруулахад орон нутаг оролцоогоо хангаж тодорхой төсвийн хүрээнд өндөр үр өгөөжтэй, бодит ажлууд зохион байгуулахаар төлөвлөж буйгаа Засаг дарга Д.Мөнхсайхан танилцуулаад бэлчээр, ойн тогтвортой менежментийг хэрэгжүүлэн, хамгаалахад орон нутагт зөвлөн тусалж ажиллахыг хүслээ.