УКРАИНЫ ДАЙН: Зеленский ОХУ-д “ШУДАРГА ШИЙТГЭЛ” өгөхийг уриаллаа
Үйл явдал
/
2022-09-23
Жиргэх
Орос Украиныг эзлэн түрэмгийлснийх нь төлөө “шударга шийтгэл” хүлээх ёстой гэдгийг Ерөнхийлөгч Владимир Зеленский Нью-Йорк хот дахь НҮБ-ын Ерөнхий Ассамблейн чуулганд мэдэгдлээ.  

Украины удирдагч НҮБ-ын Ерөнхий Ассамблейн чуулганаар “ДАЙНЫ ТУСГАЙ ШҮҮХ” байгуулахыг уриалж, ОХУ-ын үйлдсэн гэх дайны гэмт хэргүүдийг нарийвчлан харууллаа. 

Мөн тэрээр энх тайвны "томьёолол" гаргасан бөгөөд, Оросыг дэлхийн тавцанд шийтгэхийн тулд илүү их цэргийн дэмжлэг үзүүлэх хэрэгтэй байгааг мэдэгджээ. Түүний хэлсэн үгийг чуулганы хуралдаанд оролцсон олон хүн алга ташин хүлээж авав.

Ноён Зеленский танилцуулга үгэндээ Оросыг "хууль бус дайн"-аараа "гамшгийн үймээн самуун" үүсгэж байна гэж буруутгав.

НҮБ-ын Ерөнхий Ассамблейн чуулганаар мэдэгдэл хийж байх өдөр ОХУ-ын Ерөнхийлөгч Владимир Путин 300 мянган цэрэг дайчдыг үүрэгт ажилд дуудсан нь Оросын гудамжинд эсэргүүцлийн жагсаал болгоход хүргэсэн. Ноён Зеленский хэлэхдээ, энэ алхам нь дайсан энхийн хэлэлцээнд нухацтай хандаж байгааг харуулж байна гэдгийг хэлсэн юм. 

 

  • Путин бэрхшээл тулгарсны дараа цэргээ хэсэгчлэн дайчлахыг тушаав
  • Украинд санал өгөх “хуурамч” Оросын төлөвлөгөөг Барууныхан буруутгаж байна
  • Оросууд эрх чөлөөгөө эрсдэлд оруулж, Путины түрэмгийллийг эсэргүүцэж байна
Ноён Зеленскийн хэлсэн үгэнд "шийтгэл" гэсэн үг 15 орчим удаа давтагдсан нь энх тайвны төлөөх тохиролцоонд хүрэх боломжгүй таван нөхцөлийн эхнийх нь байв. Тэрээр мөн Украины иргэдийн амь насыг хамгаалж, тус улсын олон улсад хүлээн зөвшөөрөгдсөн хилийг хүндэтгэхийг уриаллаа.

Украйны удирдагч өөрийн нэрийн ногоон цамцыг өмсөж, НҮБ-ын чуулганд биечлэн бус видео бичлэгээр үг хэлэхийг зөвшөөрсөн НҮБ-ын 101 оронд талархал илэрхийлэв.

Ноён Зеленский Оросыг хэлэлцээнд нухацтай хандахгүй гэж хэлсэн ч хоёр улс лхагва гарагт дайнд олзлогдогсдыг солилцох ажлыг хийж дуусгажээ.

Украины талд 215 байлдагчийг буцаасан бөгөөд тэдний 10 нь гадаадын иргэн, харин ОХУ өөрийн 55 цэрэг, Украинд эх орноосоо урвасан хэргээр ял сонссон Оросын талыг баримтлагч улстөрч Виктор Медвечукийг хүлээн авчээ.

Сэтгэгдэл:
Таны IP: (3.15.239.214)
АНХААРУУЛГА: Уншигчдын бичсэн сэтгэгдэлд https://www.ulsturch.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ

Ерөнхийлөгч У.Хүрэлсүх Япон Улсын Ерөнхий сайд Ф.Кишида нар уулзав

13 цаг 48 мин

Сэлбэ голын голдирлыг тэлж, түшиц хана барих үерийн хамгаалалтын байгууламжийн ажил 60 хувьтай үргэлжилж байна

Өчигдөр 18 цаг 10 мин

Дамбын постын уулзвараас Долоон буудлын уулзвар хүртэлх авто замыг хэсэгчлэн хааж, шинэчилнэ

Өчигдөр 17 цаг 30 мин