Уулзалтаар хилчин хүний ажил мэргэжлийн онцлог, ангийн үйл ажиллагаа, алба хаагчдын нийгмийн асуудлын чиглэлээр авч хэрэгжүүлж буй арга хэмжээний талаар ангийн захирагч хурандаа О.Батгэрэл мэдээлэл хийсэн юм. Мөн ангийн офицеруудын зөвлөлөөс алба хаагчдын хүүхэд харах өрөөний гадна талбайг тохижуулан, ангийн эмэгтэйчүүдийн зөвлөлд хүлээлгэн өгөв. Уулзалтын арга хэмжээний төгсгөлд ангийн алба хаагчид болон уулзалтад оролцсон эмэгтэйчүүдийн дунд нөхөрсөг гар бөмбөгийн тэмцээн зохион байгуулж, шагнаж урамшууллаа.