Д.САРАНГЭРЭЛ: Манай улсын ядуурлын түвшин 27.8 хувьд хүрсэн. Иймд Залуучуудын ажил эрхлэлтийг дэмжих зорилгоор бид бүх чадлаараа ажиллаж байна. Энэ хөтөлбөрийн агуулгаар бид 1520 өрхийн НЭН ЯДУУ хүнээс сонгож зах зээлд эрэлт хэрэгцээтэй байгаа мэргэжлийг хоёр сарын турш эзэмшүүлнэ.

Монгол Улсад өнөөдрийн байдлаар 200 мянга гаруй залуучууд ажил, хөдөлмөр эрхлээгүй байна.

Д.САРАНГЭРЭЛ: Өнөөдөр Монгол Улсын гурван хүн тутмын нэг нь ЯДУУ байна. Яагаад залуучууд ажил хөдөлмөр эрхлэхгүй байна вэ гэхээр ЗАЛХУУ БАЙНА гэж байна. Гэхдээ ХНХ-ын яам тэгэж үзэхгүй байгаа.

“Халамжаас хөдөлмөрт” бодлогын хүрээнд мөн И-Жоб хөтөлбөрийг хэрэгжүүлж байна. ХНХ-ын яамнаас ажил, хөдөлмөр эрж байгаа залуучуудад ямар нэгэн зуучгүйгээр бүх мэдээллийг өгч байгаа юм. Ингэснээр залуучууд өөрсдийн сонголтоор юу хийхээ шийдэхэд нь тусална.

Залуучууд өнөөдөр ямар ажил, хөдөлмөр эрхлэх хэрэгтэй талаараа ойлголт бага байгаагаас болж дэмжлэг, туслалцаа эрж байна. Энэ асуудлыг шийдэх хүрээнд бид тухайн ажилгүй байгаа иргэнтэй уулзаж мэргэжлийн үүднээс үнэлгээ хийнэ. Улмаар хийж чадах ажлынх нь хүрээнд мэргэжлийн зөвлөгөө өгч, хувийн төлөвлөгөөг нь гаргаж өгөх юм.