Тухайн сэжигтэн нь 64 настай Сингапур Улсын иргэн аж. Тэрээр 2013 оноос эхлэн Монгол-Сингапур Улсын хооронд аялал жуулчлалын визээр зорчдог байжээ. Монгол Улсад байх хугацаандаа эмэгтэйчүүдийг бусдад зуучилж бэлгийн хүчирхийлэлд оруулах, хувь хүний нууцтай холбоотой дүрс бичлэг, гэрэл зургийг нь авч, хохирогчдыг айлган сүрдүүлдэг, гадаад улсын иргэнтэй үгсэн тохиролцож бэлгийн харьцаанд орсон охид, эмэгтэйчүүдийн биеийг нь үнэлүүлэх, бэлгийн мөлжлөгийн хохирогч болгон хүн худалдаалах гэмт хэрэг үйлдсэн байж болзошгүй зэрэг нөхцөл байдал тогтоогдсон талаар Цагдаагийн байгууллагаас мэдээллээ.  

Урьдчилсан шалгалтаар тогтоогдсон нөхцлийн мөрдөн шалгах ажиллагаа үргэлжилж байна.

ЦАГДААГИЙН БАЙГУУЛЛАГА: Хилээр гарч байгаа иргэд ажлын гэрээ заавал байгуулах, өөрийн паспорт бичиг баримтаа хэнд ч өгөхгүй өөртөө хадгалах, Монгол Улсаас тухайн оронд суугаа Элчин сайдын яам, Консулын газарт бүртгүүлэх, Монголд байгаа гэр бүл, хамаатан садан, найз нөхдөдөө очсоноо мэдэгдэж, холбоотой байхыг сэрэмжлүүлж байна.