Журмын болзлыг ханган бэлтгэсэн сурагчид нь 750-800 оноо авсан багш нарыг аймгийн Засаг даргын Тамгын газарт хүлээн авч уулзан, урамшууллын батламжийг гардуулж өглөө.

   Өнөөдрийн арга хэмжээнд аймгийн ЗДТГ-ын Төрийн захиргааны удирдлагын хэлтсийн дарга Д.Ербол, Боловсрол, шинжлэх ухааны асуудал хариуцсан мэргэжилтэн Ж.Эльмира нар оролцож, ЭЕШ-аас амжилт гаргасан багш нарт халуун баяр хүргэж, амжилтаа улам ахиулж, батгахыг хүслээ.

   2021-2022 оны ЭЕШ-ын дүнгээр тус аймгийн Эмпати, Дарын цогцолбор, Бастама, Заид зэрэг ерөнхий боловсролын сургуулиуд улсын дунджаас дээгүүр амжилт үзүүлсэн тул тус бүр 1 сая төгрөгөөр шагналаа. Улсын сургуулиудаас Толбо сумын Ерөнхий боловсролын сургууль нь өмнөх 5 жилийн дунджаас 84.5 функцээр амжилтаа ахиулсан явдлын аймгийн удирлагууд өндрөөр үнэлэн мөн 1 сая төргөрөөр урамшууллаа.

   Дашрамд дурдахад 2021-2022 оны Элсэлтийн Ерөнхий шалгалтад аймгийн хэмжээнд өмнөх оноос 9.8 функцээр ахисан үзүүлэлттэй бол, сүүлийн 5 жилийн дундажтай харьцуулахад 20 функцээр ахисан дүнтэй гарсан байна. 2021-2022 оны Элсэлтийн Ерөнхий шалгалтад манай аймгийн 9 хүүхэд хэмжээст 800 оноо авч, 800 оноо авсан сурагчдын тоогоор манай аймаг Улсад 2 дугаар байранд орсон.