“Монголын төмөр зам” ТӨХК-ийн хамт олон энэ өдөр Олон Улсын ахмадын баярыг тохиолдуулан тус компанид ажиллаж өндөр насны тэтгэвэрт гарсан ахмадуудаа хүлээн авч хүндэтгэл үзүүллээ.

 

Удирдлагын зүгээс Тээвэр зохион байгуулалтын инженер мэргэжилтэй Ё.Жавхлант, Хиймэл байгууламжийн инженер мэргэжилтэн Ж.Баяраа нарын “Монголын төмөр зам” ТӨХК-д идэвх зүтгэлтэй ажиллаж, инженер техникийн шинэ санал санаачлага гарган хэрэгжүүлж ажиллаж байсанд талархал илэрхийлсэн. Мөн энэ үеэр ахмадууд залуу мэргэжилтнүүдэд мэдлэг туршлагаа хуваалцаж, “Тавантолгой-Зүүнбаян” чиглэлийн төмөр замын бүтээн байгуулалтын талаар санал солилцлоо.