МАН-ын бүлгийн хуралдаанаар Хүүхдийн мөнгийг 80 хувьд өгөх ёстой гэсэн байр суурийг илэрхийлжээ. Өнгөрсөн долоо хоногийн Засгийн газрын хуралдаанаар 2023 оны төсвийг хэлэлцсэн. Энэ талаар Сангийн сайд Б.Жавхлан мэдээлэл хийх үеэрээ хүүхдийн 100 мянган төгрөгийг хэрхэх талаар ярьсан юм.

 МАН-ын бүлэг хуралдаанаас гарсан шийдвэрийг бүлгийн дарга Д.Тогтохсүрэн хэлэхдээ "Хүүхдийн мөнгөний тухайд арай л бага хассан. Есхөн хувь гэдэг бол бага. Ажиллах хүч олдохгүй байгааг халамж, хүүхдийн мөнгөтэй холбож тайлбарлаж байгаа.  Хүүхдийн мөнгө олгох хувийг 80 хувь руу оруулах ёстой. Ингэж байж бид ажиллах хүчээ дэмжихгүй бол болохгүй байна" гэв.