Сэлэнгэ аймгийн Шаамар сумын Дулаахан багийн Шаамар гурав хэмээх газарт Вольво загварын ачааны автомашин замын хажуу руу унасан тухай дуудлага өчигдөр буюу аравдугаар сарын гуравны өдөр 17:26 цагт бүртгэгджээ. Дуудлагаар тус аймгийн онцгой байдлын газрын эрэн хайх, аврах анги, Гар түймэр унтраах аврах 36 дугаар ангийн алба хаагчид 17:52 цагт очсон байна. Алба хаагчид очиход ОХУ-ын иргэн, эрэгтэй жолооч автомашины эд ангид хавчуулагдаж нас барсан байсныг гаргаж, тус аймгийн Цагдаагийн газрын эрүүгийн газрын мөрдөгчид шилжүүлэн өгсөн байна.