Баянзүрх дүүрэг Каритас Чех олон улсын байгууллагатай хамтран ажиллах Санамж бичиг байгуулан ажиллаж байгаа. Санамж бичгийн хүрээнд хог ангилан ялгах, хог хаягдын менежмэнтийг сайжруулах чиглэлээр хамтарсан олон ажлуудыг хэрэгжүүлж байна.

Үүний нэг нь Европын холбоо, Европын SWITCH-Asia хөтөлбөрийн “Монгол улс дахь хуванцар хог хаягдлын дахин боловсруулалтын тогтвортой байдлыг хангах” төслийн хэрэгжүүлэгч “Монголын Тогтвортой Хөгжлийн Гүүр” ТББ болон Баянзүрх дүүргийн Засаг даргын Тамгын газар хамтран дүүргийн 43 хороодын Хог хаягдлын олон нийтийн байцаагчдыг хамруулан "Хольбол хог ангилбал хэмнэлт" сэдэвт сургалтыг зохион байгууллаа.

Сургалтаар хог хаягдлыг багасгах арга замууд, байгальд ээлтэй алхмуудыг хэвшүүлэх, хогийг ангилан ялгах талаар мэдээлэл өгсөн юм.

Түүнчлэн сургалтанд оролцогчид иргэдийн ухамсар хандлагыг өөрчлөх тал дээр анхаарах нь чухал байгаа талаар онцолж байлаа. Цаашид энэхүү сургалтыг сургууль цэцэрлэгүүдийн дунд зохион байгуулах бөгөөд хүүхдийг багаас нь хог хаягдлын талаар мэдлэгтэй болгосноор байгальд ээлтэй иргэн болгон төлөвшүүлэхэд ихээхэн ач холбогдолтой юм гэж Баянзүрх дүүргээс мэдээллээ.