Статистикийн тухай хуулийн 7 дугаар зүйлийн 1 дэх заалтад Хөдөө аж ахуйн тооллогыг 10 жилд тутамд зохион байгуулахаар заасан байдаг. Энэ онд 2 дахь удаагийн тооллого улсын хэмжээнд явагдах бөгөөд Булган, Орхон аймагт 2022 оны 5 сарын 21-ээс 6 сарын 3-ны хугацаанд явагдана. Тооллого зохион байгуулахтай холбогдуулан Үндэсний статистикийн хорооноос тооллогын ажлын хэсгийг чадавхижуулах сургалтыг зохион байгуулж байна.

Тооллогын зорилго:

• ХАА-н салбарын үйлдвэрлэл, бүтцэд гарч байгаа өөрчлөлтийг 10 жилийн тооллогын дүнтэй харьцуулан, дүгнэх

• НҮБ-ын ХХААБ-ын ХАА-н дэлхийн хөтөлбөрт тусгагдсан үзүүлэлтүүдийг тооллогод хамруулж ОУ-н түвшинд харьцуулагдахуйц мэдээллийг цуглуулах, тайлагнах

• Тогтвортой хөгжлийн зорилго, Хүлэмжийн хийн тооллого, хүнсний аюулгүй байдлын тооцооны мэдээлэл бүрдүүлэх

• Сансрын зураг ашиглан тариалсан талбайн хэмжээг тооцох, ургацын хэмжээ, га-ын ургац тооцох арга зүйг боловсруулахад шаардлагатай мэдээлэл цуглуулах