“Expo Mongolia 2022” Уул уурхайн болон бүх салбарын олон Улсын Үзэсгэлэн, бага хурал Монгол улсад найм дахь удаагаа амжилттай зохион байгуулагдаж байна.

Уг үзэсгэлэн, бага хуралд Герман, Чех, Норвег, Австри, Өмнөд Солонгос ба Монгол улсаас барилга, уул уурхай, хүнд үйлдвэр, хүнс, хөдөө аж ахуй, эрчим хүч, дэд бүтэц, ус ба хаягдал ус боловсруулалт, ложистик, төмөр зам, мэдээллийн харилцаа холбооны технологи, байгаль орчин, экологи, эрүүл мэндийн салбарын аж ахуй нэгж байгууллагууд болон худалдааны танхимууд оролцож зах зээлийн шинэ шинэлэг санаа, хамгийн сүүлийн үеийн техник технологийг танилцуулж, Монгол Улсад ирээдүйд хийгдэхээр зорьж буй төслүүдийн мэдээлэл цуглуулах, хөрөнгө оруулалтын боломжийг судлах, түүнчлэн зорилтот зах зээлд бизнесийн түншлэл тогтоох, бизнесийн хамтын ажиллагаагаа өргөжүүлэх зэрэг ач холбогдолтой.