Улс төр, сонгууль. Аль ч ардчилсан улсад байдаг л зүйл. Байх ч ёстой. Улс төрийн оролцоотой, нийгмийн идэвхитэй байна гэдэг нь өнөөдөр уг нь хамгийн их хэрэгтэй байгаа тэр зүйл мөн. Хүн бүр улс төржиж байна. Гэхдээ үр дүнтэйгээр улс төржиж чадахгүй байна. Ямар нэг зүйлээс үр дүн гарч байж тэр ажил зөв ажил болно. Хичнээн сошиалын араас, эсвэл камер харахаараа энэ нийгмээ харааж зүхээд байвал яг юу өөрчлөгдөнө гэж, хараад л суугаад байвал хэн хэзээ энэ нийгмийг маань өөрчилнө гэж.

Залуучууд ялангуяа гар бие оролцож өөрсдийн хүссэн тэр нийгмээ бий болгох цаг ирсээн. Хошуу нэмэрлэж суухаас илүү хуруу нэмэрлэж байж нийгэм маань зөв тийшээ чиглэнэ. Тиймээс улс төрийн оролцооноос зугтах биш сөрж, нуугдаж биш ил гарч, дотогшоо биш гадагшаа илэрхийлж, үзэл бодлоо найрын ширээ, утасны камерын өмнө бус шийдэх ёстой тэр газар нь илэрхийлэх ёстой.

\