Барилга, хот байгуулалтын сайдын ээлжит шуурхай боллоо
Үйл явдал
/
2022-06-21
Жиргэх
Сайдын ээлжит шуурхай хуралдаан өнөөдөр /2022.06.20/ боллоо. Хуралдааны эхэнд яамны болон харьяа газруудын өнгөрсөн 14 хоногийн ажлын гүйцэтгэлийг Хяналт шинжилгээ, үнэлгээ, дотоод аудитын газрын дарга Л.Идэрцогт танилцууллаа.
 
Танилцуулгын дараа Барилга, барилгын материалын бодлогын хэрэгжилтийг зохицуулах газрын дарга Д.Гантулга барилгын материалын үнийн өсөлттэй холбоотойгоор хийж буй магадлалын ажлын явцыг мэдээллээ. Мөн Барилгын материалын үйлдвэрлэлийн хэлтсийн дарга Д.Батзориг цементийн тээвэр болон үйлдвэрлэлийн талаар, Санхүү хөрөнгө оруулалтын газрын дарга Э.Ганхүү хөрөнгө оруулалтын ажлуудад хийж буй аудитын мэдээг танилцуулав.
 
Шуурхай хуралдаанд Барилга, хот байгуулалтын дэд сайд Э.Золбоо Ипотекийн зээлийг сайжруулах ажлын хэсгийн судлаж, хийж хэрэгжүүлж буй ажлуудын талаар мөн мэдээлэл өглөө. Сайд Б.Мөнхбаатар 1008 орон сууцны хорооллын барилгын ажлын явц, аймгуудын цэвэрлэх байгууламжуудын шинэчлэл, цементийн тээвэрлэлтийн асуудлуудыг тодруулж, нэмэлт мэдээлэл сонслоо. Шуурхай хуралдааны төгсгөлд Барилга, хот байгуулалтын сайд Б.Мөнхбаатар яамны газар хэлтэс, харьяа байгууллагуудын удирдлагуудад дараах үүрэг даалгаваруудыг өглөө.
 
Үүнд:
  • Дорноговь, Сүхбаатар, Эрдэнэт, Дархан-Уул, Дорнод зэрэг аймгуудын цэвэрлэх байгууламжийн ажлыг шуурхайлах,
  • Ногоон нуур орчмын 1008 орон сууцны хорооллын барилгын ажлыг эрчимжүүлэх,
  • Барилгын материалын үнийн өсөлтийг тооцох магадалалын ажлыг дуусгаж, магадлалын дүрмийг нарийвчлан танилцуулах,
  • Гадны хөрөнгө оруулалт, зээл, тусламжаар хэрэгжих төслүүд дээр ажлын хэсэг байгуулж, ажлын явцыг түргэтгэх
  • Хот байгуулалтын хуулийн төслийг Газрын багц хуулийн төсөлтэй хэрхэн уялдуулж байгааг танилцуулах.
  • Цементийн тээвэрлэлтийг нэмэгдүүлэх чиглэлээр шаардлагатай арга хэмжээнүүдийг авч хэрэгжүүлэхийг үүрэг болголоо

      

Сэтгэгдэл:
Таны IP: (3.145.9.200)
АНХААРУУЛГА: Уншигчдын бичсэн сэтгэгдэлд https://www.ulsturch.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ

Ерөнхий сайд Л.Оюун-Эрдэнэ Саудын Арабын Хаант Улс болон Арабын Нэгдсэн Эмират Улсад ажлын айлчлал хийнэ

17 цаг 25 мин

Засгийн газар 20 цагт ЭЭЛЖИТ БУСААР ХУРАЛДАЖ 2025 оны ТӨСВӨӨ ДАХИН ХЭЛЭЛЦЭНЭ

18 цаг 28 мин

Д.Амарбаясгалан: Чуулгандаа сууж жижүүрлэж байгаа гишүүдээ урамшуулдаг байх нь зөв гэж бодож байна

19 цаг 37 мин