УИХ-ын дэд дарга Т.Аюурсайхан Засгийн газрын хэрэг эрхлэх газрын дарга Ц.Нямдорж, түүний хүү Гадаад харилцааны яамны Төрийн нарийн бичгийн дарга Н.Анхбаяр нарыг ААВ НЬ ХҮҮГЭЭ АЛБАН ТУШААЛД томилсон, эрх ашгийн зөрчилтэй хэмээн үзээд буй. Улмаар хуулийг зөрчлийг арилгуулах тухай албан бичиг үйлдэж Ерөнхий сайд Л.Оюун-Эрдэнэд хүргүүлжээ. Хүү Н.Анхбаяр нь төрсөн эцэг Ц.Нямдоржийн өмнө төрийн ажлыг хариуцаж, эцэг нь хүүгээ төрийн ажлын удирдлагаар хангаж, хяналт тавьж байгаа нь Монгол Улсын Үндсэн хууль, холбогдох бусад хуулийг зөрчиж байгаа тул зөрчлийг нэн даруй арилгахыг хүссэн нь байна.