2022 оны 6 дугаар сарын 24-ний өдөр НҮБ, БШУЯ, НГБХЗХГ хамтран “Хувьсаж буй боловсрол” хэлэлцүүлгийг зохион байгууллаа. Хэлэлцүүлэгт нийслэл, дүүргийн хүүхдийн холбооны гишүүд болон бусад оролцооны байгууллагын хүүхдүүдийн төлөөлөл 45 хүүхэд оролцлоо. Тус хэлэлцүүлгийг нээж БШУЯ-ны сайд Л.Энх-Амгалан, болон НҮБ-ын Хүүхдийн Сангийн суурин төлөөлөгч Эваристе Коуасси Комлан, БСҮХ-ийн захирал М.Итгэл нар мэндчилгээ дэвшүүлж үг хэллээ. Улс орны маань ирээдүй болсон сурагчдын төлөөлөл дараах 4 сэдвийн хүрээнд өртөөчлөн нээлттэй хэлэлцүүлэг өрнүүллээ.

Үүнд:

 Тэгш, хүртээмжтэй, эрүүл, аюулгүй сургууль

 Ажил хөдөлмөр, тогтвортой хөгжлийн төлөөх суралцахуй ба ур чадварууд

 Дижитал суралцахуй ба хувьсаж буй боловсрол

 Багш, багшлахуй ба багш мэргэжил

Хэлэлцүүлгийн төгсгөлд зургаар болон бичгээр дүгнэлт хийж хүрэлцэн ирсэн хүүхэд бүрийн санал бодлыг сонсож, мэдлэг, мэдээлэл солилцсон үр дүнтэй хэлэлцүүлэг болж өндөрлөлөө.