Дэлхий нийтэд аюулын харанга дэгдээгээд буй Covid – 19 халдвараас урьдчилан сэргийлэх чиглэлээр, бизнес эрхлэгчдийнхээ үйл ажиллагааг дэмжих үүднээс томоохон ажил арга хэмжээнүүдийг төр засгаас авч хэрэгжүүлж байна. Аймаг орон нутаг ч үйлдвэрлэл эрхлэгчдийнхээ санал хүсэлтийг сонсож хүүгүй зээл олгох, ажлын байраар хангах, түрээсийг хөнгөлөх зэргээр олон талаар дэмжин ажиллаж байгаа билээ.

Уулзалтын үеэр тус ахуй үйлчилгээний төвд үйл ажиллагаа явуулж буй 60 гаруй түрээслэгчдийн нөхцөл байдлыг аймаг орон нутаг харгалзан үзэж түрээсийн үнийн 40 хувийг бууруулах шийдвэрийг гаргасанаа албан ёсоор мэдэгдлээ.

Жишээлбэл тус байранд үйлдвэрлэл үйлчилгээ явуулж буй түрээслэгчид метр кв-ийг 15,000 төгрөгөөр түрээслэдэг байсан бол 2020 он дуустал 9000 төгрөгөөр түрээслэхээр болж байгаа юм. Цаашдаа ч Энэ түрээсийн үнийн дүнг нэмэхгүй байх бодлогыг аймаг баримтлах ажээ.