Шинийн 8-ны билэгт сайн өдөр улс төрийн ууган хүчин Монгол Ардын Нам 2020 оны УИХ-ын Сонгуульд оролцох батламжаа Сонгуулийн Ерөнхий Хорооноос гардан авлаа.

Ирэх жил намынхаа түүхт 100 жилийн ойг угтах улс төрийн ууган хүчин Монгол Ардын Нам бол үеийн үед улс орны хүнд цаг үед ачааны хүндийг үүрч ирсэн тулхтай, түүхтэй, туршлагатай улс төрийн хүчин билээ. 2016 онд хасах руу орчихсон эдийн засгийг хүлээн авч өнгөрсөн жил 7.1%-д хүргэсэн байна. Валютын нөөцийг мөн 4 дахин нэмэгдүүлж чаджээ. Цаашид ч хийж хэрэгжүүлэх ажлуудаа мөрийн хөтөлбөртөө тусгаж Үндэсний Аудитын газраар хянуулж боломжтой гэж үзсэн тул ийнхүү мөрийн хөтөлбөрөө батлууллаа. Шинжлэх ухаанд суурилсан, шударга зарчмыг дээдэлсэн, дундаж давхаргаа дэмжсэн, хөгжлийн шинэ бодлогоо цаашид ч үргэлжлүүлэх болно.