Сэлэнгэ аймгийн Эмэгтэйчүүдийн салбар зөвлөлийн тэргүүн Дамдинсүрэнгийн Өнөрболорын санаачилгаар өрхийн аж ахуй болон бизнес эрхлэгч эмэгтэйчүүд “Брэнд бүтээгдэхүүн үйлдвэрлэгчдийн анхдугаар чуулган”-ыг Төрийн ордонд 2019 оны 11-р сарын 30-ны өдөр зохион байгуулж, бизнес хөгжлийн гарц, шийдлийг хэлэлцсэн юм. Өрхийн үйлдвэрлэлийг жижиг, дунд үйлдвэрлэл болгон хөгжүүлэх, бүтээгдэхүүний өрсөлдөх чадварыг нэмэгдүүлэхэд чиглэсэн хөрөнгө оруулалт, санхүүжилтийн эх үүсвэр, тоног төхөөрөмж, технологи үгүйлэгдэж байгааг чуулганы оролцогчид онцолж байлаа. Бүтээгдэхүүний үйлдвэрлэл-борлуулалт-түгээлтийн дэлхийн жишигт нийцсэн үйлчилгээ болох худалдааны дижитал системийг ашиглах, Сэлэнгэ аймгийн брэнд бүтээгдэхүүнийг хамтын хүчээр бий болгох асуудалд эмэгтэйчүүд санал нэгдэж, уриалга гаргасан юм.