Теле хичээлийг хүүхэд багачууд, сурагчид үзэх, давтах боломжийг олгох, агуулгыг ойлгуулах, хичээл хийх орчин нөхцөлийг бүрдүүлэхэд эцэг эх, асран хамгаалагчдын оролцоог нэмэгдүүлэх, тэдэнтэй хамтран ажиллаж хичээлийн чанар үр дүнг нэмэгдүүлэх зорилгоор “Теле хичээлд эцэг эх бидний оролцоо” захидлын уралдааныг Чингэлтэй дүүргийн Боловсролын хэлтсээс амжилттай зохион байгуулав.

Уралдаанд Чингэлтэй дүүргийн ерөнхий боловсролын сургуулиудын сурагчдын 603 эцэг, эх теле хичээлийн агуулга, хүртээмж, хичээллэх орчин нөхцөлийг сайжруулах талаар санал, бодол бүхий захидлаа ирүүлсэн байна.

Уралдаанд ирүүлсэн захидлуудаас 5 дугаар сургуулийн 2а ангийн сурагч Ч.Хашхайгийн ээж С.Билгүүнзаяа, 57 дугаар сургуулийн 8б ангийн сурагч О.Анужингийн ээж Э.Энхмаа, 139 дүгээр сургуулийн 5б ангийн сурагч Б.Отгонсүрэнгийн ээж Л.Нинжмядаг нарын захидал шилдгээр шалгарлаа.

ЧИНГЭЛТЭЙ ДҮҮРГИЙН БОЛОВСРОЛЫН ХЭЛТЭС