Нийслэлийн Баянгол дүүргийн жижиглэнгийн худалдаачид, иргэд зөрчлийн хуулийг эсэргүүцэн Сүхбаатарын талбай дээр хуурай өлсгөлөн зарлалаа. Иргэд зөрчлийн тухай хуулийг эсэргүүцсэн шаардах хуудас хууль зүй, дотоод хэргийн сайд Х.Нямбаатар, МУ-ын УИХ-ын гишүүн УИХ-ын дарга Г.Занданшатар нарт хүргүүлэх гэсэн боловч иргэдтэй уулзсангүй. Жагсаалыг зохион байгуулж буй иргэд Мишиг хүзүү, гарандаа дөнгө зүүж түлхүүрийг нь хууль зүй, дотоод хэргийн сайд Х.Нямбаатарт хүргүүлсэн байна. Тэрээр хэлэхдээ "Х.Нямбаатар сайд хэзээ уулзаж түлхүүр өгнө тэр цагт дөнгө тайлагдаж, өлсгөлөн дуусна" хэмээлээ.