Улсын Онцгой комиссын ээлжит хуралдаан өнөөдөр /2020.08.25/ Шадар сайдын өрөөнд боллоо. Хуралдаанаар ирэх долоо хоногийн даваа /2020.08.31/ гарагт дуусгавар болох өндөржүүлсэн бэлэн байдлын хөл хориог сунгах эсэх асуудлыг хэлэлцсэн юм.

Улмаар гамшгаас хамгаалах хэсэгчилсэн өндөржүүлсэн бэлэн байдлын зэрэгт шилжүүлсэн хугацааг 2020 оны есдүгээр сарын 15-ны өдрийг дуустал сунгах саналыг УОК-ын гишүүд санал нэгтэй дэмжив. 

Улсын Онцгой комиссоос гаргасан дээрх шийдвэрийг Засгийн газрын ээлжит хуралдаанаар баталгаажуулна. Засгийн газар өнөөдөр 12.00 цагаас ээлжит бусаар хуралдахаар цаг товлоод байна.